حاجات لازم تعرفها لو انت حديث تخرج من كلية تجارة

 حاجات لازم تعرفها لو انت حديث تخرج من كلية تجارة

لو انت حديث تخرج من كلية تجارة

عشان تبدء شغلانة في مجالك لازم تكون متوسط الخبرة في كذا حاجة

1- برنامج excel & word

2- اللغة بتاعتك تكون كويسة في مجال accountant يعني تحفظ كلمات تجارية كتير

3-المحاسبة المالية من اولها لاخرها تحاول تقرا فيها كتير جدا لحد ما تحس انك بقيت من كتر القرايا زهقت منها وتفهمها كويس وديه بيسموها الشغلانة الصغيرة او بمعني اصح بداية الحياة
4- بعد ما تخلص قرايا في المحاسبة المالية تدخل علي طول علي المحاسبة الادارية وديه هي الشغل كله سواء في مصر او الخليج بيكون الطلب عليهم عالي اوي وعشان تدرس المحاسبة الادارية لازم تروح كورس Cma

5- اخر حاجة cpa بتاع المحاسب القانوني المعتمد في العالم يعني لو روحت اي شركة هيخدوك وانت حاطط رجل علي رجل

الكلام ده ياخد مدة اد ايه

ياخد تعب بتاع 4 سنين بالظبط لو انت عايز مرتبك يوصل 15000 جنيه او كتر كمان بعد 4 سنين من تخرجك من الكلية بتاعتك

وطبعا انت وانت بتذاكر الحاجات ديه تدور بردو علي اي شغلانة صغيرة تبدء بيها حياتك بس ديه الخلاصة لاي واحد عايز يوصل بجد و يبني مستقبله صح يعني يبقا ليك مكانتك بعد اربع سنين من تخرجك وانت عندك 26 سنة كدة ان شاء الله

اما بقا لو عايز يكون عندك 26 سنة ولسا مدرستش حاجة من الي فوق ديه اقدر اقولك انت كدة مش هتوصل لحاجة خالص ابدا يعني
الا بقا او انت اخترت مجال تاني بقا غير مجال المحاسبة ونجحت فيه